Hayan na papalapit na naman siya
Ang aking among mapagsamantala
Siguradong hanap-hanap na naman niya
Ang kasiyahang hatid ko sa kanya
Ang aking katawa’y kanyang hinawakan
Niyakap-yakap at hinagkan-hagkan
Tapos ay sinimulan niya akong paglaruan
Na puno ng galak at kasiyahan
Hawak-hawak niya ang maselan kong bahagi
Pinaglalaruan niya’t kinikiliti
Sa bawat kalabit ng kanyang daliri
Iba-iba ang tono ang aking tili
Pagkatapos niya akon pagsamantalahan
Bigla na lang niya akong iiwan
Ikukulong sa isang maliit na kuwarto
Maghihintay sa muling pagbalik ng aking amo
Ngunit ano ang aking magagawa
Kung ito naman ang sa aki’y naitakda
Ang magbigay ng tuwa’t saya
Dahil ito ang trabaho ng isang gitara…
Subscribe to:
Post Comments (Atom)
hahahah!
ReplyDeleteang akala ko ay ano
dahil di ko pa naklaro
ang daming naglalaro
sa isip kong mapagbiro
pero nung matapos kong basahin
halakhak aking narating
di makapaniwala...
sa may akdang sobrang galing.
clap, clap, clap!